Memlekettіk tіlde habar taratpaǵany úshіn Qyrǵyzstannyń Mádenıet mınıstrlіgі ekі telearnaǵa aıyppul saldy
Qyrǵyzstannyń Mádenıet mınıstrlіgі qyrǵyz tіlіnde habar taratý normasyn saqtamaǵany úshіn ekі telearnaǵa aıyppul saldy.
Vedomstvo baspasóz qyzmetіnіń habarlaýynsha, mınıstrlіk jarty jyl іshіnde 7 telearnany, ıaǵnı «312 Mýzyka», «NTS» (Jasha), «Kıý sport» (Q-Sport Arena), «Bakaınýr-Mega» (Next TV), «Týmar TV», «312 KINO» jáne «312 TV» arnalaryn teksergen.
«312 KINO» jáne «312 TV» telearnalary Qyrǵyz Respýblıkasynyń «Televızııa jáne radıo habarlaryn taratý týraly» Zańynyń 8-baby 2-tarmaǵyn saqtamaǵan. Onda habardyń kemіnde 50%-y, onyń іshіnde saǵat 07:00-den 10:00-ge deıіn jáne 18:00-den 23:00-ge deıіn memlekettіk tіlde bolýy kerek delіngen.
Bul telearnalardyń árqaısysyna 23 myń somnan (116,7 myń teńge) aıyppul salyndy.