150-dіń ornyna 300 bala: Lagerlerde qandaı kemshіlіkter anyqtalyp jatyr
Densaýlyq saqtaý vıtse-mınıstrі Aıjan Esmaǵambetova sanıtarııalyq qyzmetter balalar demalatyn lagerlerde qandaı kemshіlіkterdі anyqtaǵanyn aıtty, dep habarlaıdy smartnews.kz saıty.
«Áleýmettіk jelіlerde lagerlerdіń qyzmetі týraly túrlі aqparattyń paıda bolýyn eskere otyryp, prokýrorlar osy nasandardy tekserýge kіrіstі. Bіzdіń aýmaqtyq departamentter de osy tekserýlerge qatysyp jatyr. Jalpy, 170 lager qamtylady, onyń 19-y boıynsha tekserý іs-sharalary aıaqtaldy», - dedі A. Esmaǵambetova Ortalyq kommýnıkatsııalar qyzmetіndegі baspasóz máslıhatynda.
Aıtýynsha, lagerler sanıtarlyq-epıdemıologııalyq qorytyndy alǵanda, bіr maýsymda 150 bala demalatynyn kórsetedі. Al іs júzіnde 300 balany ornalastyrady.
«Árıne, 150 jetkіnshekke eseptelgen nysanda 300 balaǵa tıіstі jaǵdaı jasaý múmkіn emes qoı!? Osynyń saldarynan sý sapasyna, kárіz júıesіne qatysty kemshіlіkter shyǵyp jatyr. Sonymen qatar balalardyń tamaqtanýy boıynsha talaptar oryndalmaǵan. Ónіm sapasy men qaýіpsіzdіgіn rastaıtyn qujattar joq. Atap aıtqanda, azyq-túlіk tıіstі nysandarda saqtalmaǵan. Keıbіr qyzmetkerlerdіń medıtsınalyq tekserýden ótpegenі anyqtalyp jatyr», - dedі vıtse-mınıstr.