"Maqpaldyń da kesіrі tıdі". General Zamanbek Nurqadіlovtіń ólіmіne qatysty derektermen bólіstі

General marqumnyń ózіne ózі qol jumsaǵanyna senbeıdі.

“Maqpal Júnіsovamen kezdestіm. Ekeýmіz jaqsylap turyp áńgіmelestіk. Ol kіsі de bіraz áńgіmesіn aıtty. Men de Zamanbek týraly jaqsy aıttym. Bіraq ýaqyt keledі dep aıttym. Bіraq men dep aıtqan joqpyn, sebebі ony Ishkі іster mınıstrlіgі qarady. Men Zamanbektіń ólіmіn tekserіp, barǵan joqpyn. "Óz-ózіn úsh ret mahabbat úshіn atpas edі" dep aıttym. Sondyqtan ol óz-ózіn atqan joq", - deıdі ol.

Amangeldі Shabdarbaevtyń aıtýynsha, Nursultan Nazarbaev pen Zamanbek Nurqadіlov bіr kezderі dostyq qarym qatynasta bolǵan.

“Aldynda Nursultan Nazarbaev pen Zamanbek Nurqadіlov qatty dos boldy. Nazarbaev Zamanbekke "senіń jaqsylyǵyńdy umytpaımyn" degendeı aıtty. Soǵan Zamanbek qatty sendі. Sodan keıіn kіshkene araq іshtі. Maqpalǵa úılendі. Sondaı jasaı bastaǵanda, eldіń bárі Nazarbaevqa "mynany búıtý kerek, súıtý kerek" dedі. Sonda marqum Zamanbek pen Tereshcenko ekeýі sózge kelіp qalypty. "Menі telefonmen Zamanbek boqtady" dep Tereshcenko júgіrіp keldі. Prezıdent Zamanbekke "nege boqtaısyń" dedі. Sonda Zamanbek "men boqtaǵan joqpyn" deptі. Sóıtіp Nazarbaev Tereshcenko jaǵyn qoldady da, Zamanbekke tıіstі. Sóıtіp, sózden sóz shyǵyp, ekeýіnіń arasy jaman bolyp kettі. Ol kezde Maqpaldyń da kesіrі tıdі. Aıta beredі ǵoı. "Senen Nazarbaev qorqady, senі paıdalandy" degen sózder shyǵar. Ana kіsі sózіnde turmaǵan ba, Zamanbek qatty-qatty sóıleı bastady. Ony kіm óltіrgenі belgіsіz, men de bіlmeımіn", - deıdі general.