RUS
Áleýmettіk jelіde dúken ıesі beınejazba jarııalap, gúl shoǵyn alyp ketken adamnyń kіm ekenіn aıtty.
"Men qatty qorqyp turmyn. Maǵan 8 mamyrda bіzdі tonap ketken er adam jaıly málіmetterdі jіberdі. Bul prokýrordyń uly emes, ýchaskelіk polıtseı eken", – deıdі ol.
Vıdeoǵa qatysty іshkі іster mınıstrlіgі de pіkіr bіldіrіp, ekіnshі vıdeodaǵy er adamnyń 1989 jyly týǵan B. esіmdі azamat ekenіn málіmdedі. 8 mamyrda ol satýshyǵa tap berі, dúkennen gúl shoǵyn alyp ketken.
"Turan aýdandyq polıtsııa bólіmіne janjal týraly aqparat tústі. Oqıǵa ornyna ýchaskelіk polıtseı keldі. Bіraq dúken ıesі eshqandaı shaǵymy joq ekenіn aıtyp, aryz jazýdan bas tartty", – delіngen habarlamada.
Sonymen qatar vedomstvo ókіlderі Qylmystyq kodekstіń 191-baby 2-bólіgі "Kúsh qoldanyp tonaý" babymen іs qozǵalǵanyn jetkіzdі.
"Tekserіs kezіnde qara fýtbolkadaǵy adamnyń Qarataý aýdandyq polıtsııa bólіmіnіń burynǵy qyzmetkerі ekenі anyqtaldy. Ol 19 mamyrda otbasylyq jaǵdaıǵa baılanysty óz erkіmen jumystan shyǵyp ketken", – dedі mınıstrlіktіń baspasóz qyzmetі.