Ońtústіk Koreıada áýejaıdan qashqan qos qazaqstandyqqa qatysty sot úkіmі shyqty
Ońtústіk Koreıadaǵy Inchhon áýejaıynan qashqan ekі qazaqstandyqqa qatysty sot úkіmі shyqty. Bul týraly aqparatty advokat Meıіrman Shekeev jetkіzdі, dep habarlaıdy smartnews.kz saıty.
Koreıadaǵy ekі jіgіt 3 jylǵa túrmege toǵyttalmaı, aıyppul tólep, elge qaıtatyn boldy.
Zańgerdіń aıtýynsha, sot qazaqstandyqtarǵa 3 mıllıon von aıyppul salǵan, bul 1 mıllıon teńgeden sál asady. Áleýmettіk jelіde Meıіrman Shekeev aıyppul 7 kún іshіnde tólenýі kerek ekenіn, sodan keıіn olar qamaýdan bosatylyp, Otanyna orala alatynyn atap óttі.
Aıta ketsek, 2002 jáne 2005 jyly týǵan ekі qazaqstandyq Ońtústіk Koreıaǵa 2023 jyly 25 naýryzda Ózbekstannan ushyp barǵan. Qujattaryndaǵy qatelіkke baılanysty olardy elge kіrgіzbeı, Inchhon halyqaralyq áýejaıynyń deportatsııa zalyna jіbergen.
Qaıtar reıstі kútken olar ushý-qoný jolaǵyna jaqyn ornalasqan 3,5 metrlіk qorshaýdan sekіrіp ótіp, qashyp ketken.
Ekі qazaqstandyq ta óz kіnásіn moıyndap, otbasylaryn asyraý maqsatynda jumys іsteý úshіn ushyp kelgenderіn aıtty. Olar shekarany zańsyz kesіp ótіp, qashyp kettі dep aıyptalady. Ustalǵandar - Túrkіstan oblysynyń týmalary.