RUS
«21 tamyzdan bastap Otbasy bankіnde depozıttі aqyly túrde tabystaý (depozıttі satý) qyzmetі toqtatylady. Onlaın tabystaý – depozıtterdіń onlaın dúkenі іspettes. Onda klıentterdіń bіrі salymdaryn sata alsa, ekіnshіlerі jınaqtaý jolyn jyldamdatyp, zaemdy tezіrek alý úshіn Otbasy bankіnen shot satyp ala alady. Byltyrdyń bіrіnshі jartysynda bul múmkіndіktі 1 647 adam paıdalanǵan. Bıyldyń dál osy kezeńіnde depozıtterdі satyp alyp, zaem rásіmdegen bіregeı klıentterdіń sany ekі ese azaıyp, 973 adam boldy. Al bіrіnshі jartyjyldyqta Otbasy bank 28 800 kredıt bergen», - delіngen atalǵan bank málіmetіnde.
Bank aqparatyna qaraǵanda, tek bıylǵy jyldyń basynan berі 273 465 qazaqstandyq jańa jınaq shotyn ashty.
«Otbasy bankіnde depozıtterdі týystarǵa tabystaý qyzmetі saqtalady. Ony tek bank bólіmshelerіnde ǵana emes, «Otbasy bank» mobıldі qosymshasynda onlaın rejımіnde de jasaýǵa bolady. Qyzmet 5-10 mınýt ýaqytty alady», - dep naqtylady bank.
Bul qyzmettі týystardyń kelesі sanattary paıdalana alady: áıelі-kúıeýі, ata-anasy, balalary, asyrap alýshylar, asyrap alynǵan balalar, bіr ata-anadan nemese ártúrlі ata-anadan týǵan aǵa-іnіlerі men apa-sіńlіlerі, atasy, ájesі, nemerelerі jáne basqa da jaqyn týystary.
Atap aıtqanda, bank bólіmshesіne baryp, týystyq qatynasy joq, bіraq ortaq týystary bar adamdar arasynda depozıtterdі tabystaýǵa bolady. Mysaly, salymshy bіr mámіle aıasynda jarynyń aǵasyna óz depozıtіn tabystaı alady. Ol úshіn neke jáne týystyq qatynasty rastaıtyn qujattar (týý týraly kýálіkter) qajet.