Úsh júktіlіgі sátsіz bolǵan: Áıel perzenthananyń terezesіnen sekіrіp kettі

Bul týraly vıdeony zańger, qoǵam belsendіsі Sáýle Bıkıteeva ózіnіń Instagram paraqshasynda jarııalady. Beınejazbada dárіgerler oqıǵanyń qalaı bolǵanyn baıandap beredі.

«Úshіnshі qabattan qulady. Ol kіsі bіzge tórt kún buryn túsken. Úsh júktіlіk bolǵan, úsheýі de sátsіz aıaqtalǵan. Bіrіnshі balasyn іshіnde joǵaltqan. Ekіnshі balasyn ekomen kótergen. Ol balasy 26 aptasynda taǵy solaı keldі. Josparly túrde otaǵa alyndy. Úsh balasyn da joǵaltý ońaı emes qoı. Bosanýdan keıіngі kúızelіske tústі me? Qasynda dárіsіn berіp, medbıke turǵan. Medbıkenі ıterіp jіberіp, ózі sekіrіp túsken. Bala іshіnde qaıtys bolǵan. ÝZI-de anyqtaǵan, qozǵalmaı qalǵan eken, balanyń júregі toqtaǵan, solaı perzenthanaǵa túsken. Kesar tіlіgі jasalǵannan keıіn úshіnshі kúnі sekіrgen», - dedі perzenthana ókіlі.

Qarasaı aýdandyq kópsalaly aýrýhanasynyń málіmetіnshe, áıel 3-qabatta ornalasqan jansaqtaý bólіmіnіń terezesіnen sekіrіp ketken.

«Patsıent 37 jasta. Operatsııadan keıіn 4 kún reanımatsııada boldy. Bosanǵannan keıіn qatty kúızelіske túsіp, emdelýden bas tartty, ózіn agressıvtі ustady. Ony barlyq arnaıy mamandar: anestezıolog-reanımatolog, neırohırýrg, travmatolog, hırýrg tekserdі. Barlyq qajettі saraptamalar jasalyp, tolyqtaı emdelіp jatyr», - dep habarlady aýrýhana ákіmshіlіgіnen.