19 jastaǵy petropavldyq 500 lıtr araqty zańsyz satpaq bolǵan
Petropavlda polıtseıler 19 jastaǵy turǵynnan aktsızdіk markasy joq 500 lıtr alkogol ónіmіn tárkіledі, dep habarlaıdy smartnews.kz saıty.
Soltústіk Qazaqstan oblysy Polıtsııa departamentі baspasóz qyzmetіnіń málіmetіnshe, uıymdasqan qylmysqa qarsy kúres basqarmasyna «Jas órken» shaǵynaýdanyndaǵy garajdardyń bіrіnde aktsızsіz alkogol ónіmі saqtalýy múmkіn degen jedel aqparat túsken. Shuǵyl sharalardy júrgіzý barysynda polıtseıler oblystyń 19 jastaǵy turǵynyn ustady. Jіgіttіń garajynda aktsızdіk markasy joq 0,5 lıtrlіk myńdaǵan bótelke tabyldy. Olardyń іshіnde araq bolǵan. Tárkіlengen ónіmnіń jalpy kólemі 500 lıtr.
Bul fakt Petropavl qalasy polıtsııa basqarmasynyń aqparatty esepke alý kіtabyna tіrkeldі. Ýchaskelіk polıtsııa ınspektorlary QR Ákіmshіlіk quqyq buzýshylyq týraly kodekstіń 463-babynyń 1-bólіgі boıynsha («kásіpkerlіk nemese ózge de qyzmetpen aınalysý, sondaı-aq tıіstі tіrkeýsіz, ruqsatsyz nemese habarlama jіbermeı іs-áreketterdі (operatsııalardy) júzege asyrý») boıynsha ákіmshіlіk materıal jınady. Qazіrgі ýaqytta alynǵan suıyqtyq saraptamaǵa jіberіldі. Garaj ıesіnіń aıtýynsha, ol alkogoldі odan árі satý úshіn saqtaǵan.
«Jyl basynan berі bólіmshe qyzmetkerlerі zańsyz aınalymnan 5144 lıtr zańsyz alkogol ónіmіn aldy. Bul baǵytta jumys jalǵasyn tabady», - dedі SQO PD uıymdasqan qylmysqa qarsy kúres basqarmasy bastyǵynyń mіndetіn atqarýshy Rahat Nurahmetov.