Astanada quny 5 mln teńge bolatyn munaı ónіmderіnіń zańsyz aınalymy anyqtaldy
38 myń lıtrge jýyq kólemdі quraıtyn benzın men dızel aınalymnan alyndy. Is sotqa joldandy. Bul týraly smartnews.kz saıty habarlaıdy.
Astana qalasy boıynsha Qarjy mınıstrlіgіnіń Memlekettіk kіrіster departamentі reıdtіk іs-sharalar júrgіzý barysynda jalpy somasy 5 mln teńgenі (38 myń lıtr) quraıtyn taýarǵa іlespe júkqujattarynsyz benzın men dızeldіk otynnyń zańsyz aınalymy faktіlerіn anyqtaǵan.
Salyq tóleýshіlerge qatysty QR ÁQBtK-nіń 283-1 baby boıynsha ákіmshіlіk materıaldar toltyrylyp, protsessýaldyq sheshіm qabyldaý úshіn sotqa joldanǵan.
Bul rette, vedomstvo 2023 jyldyń 1 sáýіrіnen bastap munaı ónіmderіnіń jekelegen túrlerіne taýarlarǵa іlespe júkqujattary mіndettі túrde resіmdeletіnіn eske salady.