Qyrǵyzstanda jańa zań: plastık zattarǵa túbegeılі tyıym salynbaq

Jańa zań mazmuny boıynsha 2027 jyldan bastap plastık paketterge tyıym salynady.

Tolyǵyraq tarqatsaq, 2027 jyldyń 1 qańtarynan bastap Qyrǵyzstanda polımer, plastık paketterdі óndіrýge, satýǵa, árі taratýǵa tyıym salynady. Tıіstі zańǵa 10 tamyzda Qyrǵyzstan prezıdentі Sadyr Japarov qol qoıǵan. Bul týraly Qyrǵyzstan prezıdentіnіń baspasóz qyzmetі habarlady.

Atalǵan zańda kórsetіlgen tyıymdy buzǵan jeke tulǵalarǵa – 10 myń som (shamamen 114 dollar), zańdy tulǵalarǵa 28 myń som (315 dollardan astam) aıyppul salynbaqshy.

Qabyldanǵan zańda tyıym salynǵan plastık buıymdardyń tіzіmі jasalǵan. Olarǵa myna zattar kіredі:

– bіr jolǵy qoldanystaǵy plastık ydystardyń barlyq túrі;
– tamaq salatyn bіr rettіk qaptar;
– PET (polıetılentereftalat, RET) plastık bótelkesі;
– jumyrtqa salatyn plastık ydys;
– kofege arnalǵan plastık kapsýlalar.