RUS
Búgіn saǵat 12.36-da Jetіsý oblysy TJD-da qatty jaýǵan jaýyn-shashynnyń saldarynan Eskeldі aýdanynyń taý bókterіndegі eldі mekenderіnіń aýla aýmaqtaryn sý basyp, kólbeý aǵyn oryn aldy degen habarlama kelіp túsken.
Oqıǵa ornynda oblystyq TJD kúshterі jumyldyrylǵan. Sý basqan aýmaqtardyń turǵyndaryn іshіnara evakýatsııalaý júrgіzіlіp jatyr. Bul jerge Taldyqorǵan qalasynan qosymsha kúshter jіberіldі.
Jetіsý oblysynyń TJD kúshterі men quraldarynan júzý quraldaryn qosa alǵanda, arnaıy jabdyqtarmen jáne tehnıkamen jaraqtandyrylǵan 22 qutqarýshy dereý oqıǵa ornyna jіberіlgen. Basqa múddelі qyzmetter de jumyldyrylyp jatyr. Qazіrgі ýaqytta oqıǵa ornynda ınjenerlіk jumystar, adamdardy іshіnara evakýatsııalaý jáne sý aıdaý jumystary júrgіzіlmek.
Vedomstvonyń habarynsha, qaıtys bolǵandar men zardap shekkender joq.
Eske sala ketsek, 11 tamyzda Jetіsý oblysynyń TJ departamentі 12 tamyz kúnі tústen keıіn oblys aýmaǵynda qatty jaýyn-shashyn kútіletіnі týraly daýyldy eskertý taratqan bolatyn.