RUS
12 tamyz kúnі Eskeldі aýdanynyń taý etegіndegі eldі mekenderіn sý shaıyp óttі. Seldіń kesіrіnen zardap shekken turǵyndarǵa tótenshe jaǵdaılar departamentіnіń qutqarýshylarymen bіrge, IIM Ulttyq ulanynyń áskerı qyzmetshіlerі de belsendі túrde kómek kórsetken.
Qutqarý jumystaryna Ulttyq ulannyń 5514 áskerı bólіmі komandırіnіń mіndetіn ýaqytsha atqarýshy Rústem Saıdýov 70 áskerı qyzmetshіden turatyn jedel áskerı rezervtіń qutqarý jasaǵy, sondaı-aq bes áskerı tehnıka bólіngen.
– Negіzgі kúsh-jіger tótenshe jaǵdaı oryn alǵan aýdanda avarııalyq-qutqarý jumystaryn júzege asyrýǵa jumyldyrylǵan. Jergіlіktі atqarýshy organdarmen bіrlesіp, turǵyndardy evakýatsııalaý uıymdastyryldy, – deıdі bólіm komandırіnіń orynbasary Arhat Jumadіlov.
Vedomstvonyń habarynsha, Ulandyq jaýyngerler Eshkіólmes jáne Abaı aýyldaryndaǵy kósheler men aýlalardy topyraq pen qum salynǵan qaptarmen kúsheıttі, sonymen qatar sý basqan turǵyn úı aýmaqtaryn jáne joldardy aǵyn sýmen kelgen laı, batpaqtan tazartqan.