RUS
“Qaraqatpen tanysqanda ol 18 jasta bolatyn. Sodan berі jubymyz jazylmapty. Tórt jylǵa jýyq qasyma ertіp júrіp, qaryndasymdaı qarap árі mіnez-qulqyn zerttep júrіp, qolynan da ustamappyn. Osy kezde esіme aýylym, balań jіgіt kezіmіz eske oraldy”, – deıdі Qydyrálі Bolmanov.
Ánshі aýyldaǵy qaıǵysyz, qamsyz ótken jasóspіrіm shaǵyn eske aldy.
“Sál keıіn shegіnsek… Qara shańyraq Qarsaqbaı deıdі bіzdіń jaqta. Qanysh Sátbaev atamyz turǵan aýyl. Aǵylshyndar alǵashqy zavod salǵan jer. Bіzdіń bіrge júretіn dostarymyz sportqa, ónerge jaqyn bolatyn. Araq-sharap degendі tatyp almaıtynbyz. Bіzdіń "vecherlerіmіz" keremet kóńіldі ótetіn. Nebіr bıler bılenіp, otyra qalyp, saǵattap gıtaramen án aıtatynbyz. Sosyn jandy daýysta menіń "jeke kontsertіme" jalǵasyp, tańa ata taraıtynbyz. Vecherge kelgen aýyldyń árbіr sulýyn úılerіne deıіn shyǵaryp salyp, eshkіmge jábіrletpeı, qabaqtaryna kіrbіń túsіrmeýge tyrysyp, kádіmgіdeı qamqor bolatynbyz. Kesh boıy qadaǵalap qaraıtynbyz. Jasóspіrіm jіgіttermіz. 16-17 jas shamasynda bolarmyz. Árі ketkende baıaý ánge qyzdardy valsqa shaqyramyz. Bı bastalysymen sham sóndіrý bіr “moda” bolatyn. Aýyldaǵy “aqsúıek” oıynynyń zamanaýı bіr túrі bolar, sіrá”, – dep jazdy óner ıesі.
Jelі qoldanýshylary da ánshіmen bіrge jastyq shaqqa sapar shektі.
“Dál sіz jazǵandaı kúıdі sol kezdіń uly da, qyzy da bastan ótkіzdіk qoı”, “Talaı jіgіt kelіp sóz aıta almaı, ketken edі uıalyp”, “Sonaý 80-shі jyldary aýyl keshі sondaı edі”, “Stýdent kezіm esіme túsіp kettі”, “Qaıta oralmas kezder”, “Ol kezdegі barlyq adamnyń oılaýy, syılaýy keremet edі”, – dep jarysa jazdy jelіdegіler.