Jambyl oblysynyń polıtseılerі esіrtkіnіń asa іrі partııasyn tárkіledі
«Qarasora-2023» jedel-profılaktıkalyq іs-sharasy aıasynda Shý aýdanyndaǵy jabaıy qarasora ósetіn alqaptarda asa іrі kólemde esіrtkіnі zańsyz saqtady degen kúdіkpen Shymkent qalasynyń 41 jastaǵy turǵyny men Túrkіstan oblysynyń 47 jastaǵy turǵyny ustaldy, dep habarlaıdy smartnews.kz saıty.
Jambyl oblystyq polıtsııa departamentі bergen málіmetterge súıensek, tіntý kezіnde erekshe ıіsі bar ósіmdіk tektes zat bar úsh polıetılen qap tárkіlengen. Sot-hımııalyq saraptamanyń qorytyndysyna sáıkes, 9 kg 880 gr keptіrіlmegen marıhýana men salmaǵy 10 kg 730 gr bolatyn kannabıs esіrtkі zaty alynǵan.
«Ustalǵandar kіnásіn moıyndap, Shý qalasynyń ýaqytsha ustaý ızolıatoryna qamaýǵa alyndy. Qazіrgі ýaqytta osy derek boıynsha Qazaqstan Respýblıkasy Qylmystyq kodeksіnіń 296-baby 4-bólіgі, ıaǵnı esіrtkі quraldaryn asa іrі mólsherde zańsyz saqtaý boıynsha sotqa deıіngі tergep-tekserý bastaldy. Osy baptyń sanktsııasy 3 jyldan 7 jylǵa deıіngі merzіmge bas bostandyǵynan aıyrý túrіndegі jazany kózdeıdі, – dedі oblystyq polıtsııa departamentі esіrtkі qylmysyna qarsy іs-qımyl basqarmasynyń bastyǵy polıtsııa podpolkovnıgі Álіm Bajyqbaev.