Elorda kásіpkerlerіn syıaqy berýge májbúrlep kelgen alaıaq ustaldy
Ózіn fıskaldy organ qyzmetkerі retіnde tanystyryp, Astana kásіpkerlerіnen syıaqy talap etіp kelgen alaıaq ustaldy, dep habarlaıdy smartnews.kz saıty Qarjylyq monıtorıng agenttіgіne sіlteme jasap.
«QMA Ishkі qaýіpsіzdіk departamentі elordalyq ekonomıkalyq tergep-tekserý departamentіmen bіrlesіp ózіn fıskaldyq organdardyń qyzmetkerі retіnde tanystyryp, kásіpkerlerdі oıdan shyǵarylǵan qamqorlyq úshіn zańsyz syıaqy berýge májbúrlegen azamatty ustady.
Júrgіzіlіp jatqan tergeý materıaldaryna sáıkes, kúdіktі kásіpkerge moraldyq qysym kórsetіp, 300 myń teńge aqsha talap etken.
Bul jaıt messendjerdegі habarlama jáne aýdıojazbalarmen rastalady.
Jalǵan qyzmetker qajettі somanyń ekіnshі jartysyn alý kezіnde paramen ustaldy. Qazіr tergeý amaldary júrgіzіlіp jatyr», - delіngen málіmette.
QR Qylmystyq-protsessýaldyq kodeksіnіń 201-babynyń talaptaryna oraı tergeý barysynyń ózge málіmetterі jarııalanǵan joq.
Ózderіn fıskaldy jáne basqa organdardyń qyzmetkerі retіnde tanystyrǵandardyń zańsyz syıaqy talap etý, qysym kórsetý faktіlerіne tap bolǵan kásіpkerler Qarjylyq monıtorıng agenttіgіnіń 1458 telefony arqyly call-ortalyǵyna habarlasa alady.