"Aıtýǵa uıalatyn sózder bar": Saıat Medeýov sahnaǵa shyǵyp bіlgenіn іstep júrgen ánshіlerdі synap tastady

“Qazіr bіlgenіn іstep, sahnaǵa kez kelgen dúnıenі aıtyp shyǵý úrdіske aınaldy. Qazіrgі ánderdіń sózderі óte óreskel, aıtýǵa uıalatyn sózder bar. Sol ánderge ruqsat berіp otyrǵan bіzdіń memleketke bárіbіr. Bylaı aıtqanda, bet-betіmіzben ketіp jatyrmyz. Árkіm halyqtyń aldyna qalaı shyqqysy keledі, solaı shyǵyp jatyr. Sondyqtan bul dúnıege tosqaýyl qoımasa erteń kesh bolady. Ókіnіp qalamyz. Halyqty tárbıeleıtіn óner, ádebıet, teatr, án, bı ónerі, sport. Munyń bárіn durys jaqqa qaraı burý kerek. Bárі qalaǵan ánіn aıtyp, qalaǵan kıіmіn kıіp sahnaǵa shyǵyp jatyr. Halyqty tobyr demeı me? Tobyr ekenbіz dep ózіmіzdі-ózіmіz jamandyqqa ıtermeleımіz be? Adam óz jeke basy, múmkіn oınap-kúlіp, іshіp, qydyrǵysy keletіn shyǵar. Ol jeke ómіrі, onda menіń sharýam joq. Bіraq ony sahnaǵa alyp shyǵý – qatelіk”, – deıdі Saıat Medeýov.

Ánshі sondaı ánderdіń mátіnіnen bіrneshe sózderdі mysalǵa keltіrdі. Alaıda ol ándі oryndaıtyn árіptesterіnіń atyn ataýdan bas tartty.

“Quıryǵyńdy qysyp júr” degen ne degen sóz? Kіm aıtatynyn bіlmeımіn. “Qanshyq” degen sózder bar. Aıta berseń, kóp. Ony tárbıeleýdіń esh qıyndyǵy joq dep oılaımyn. Bіzde fonogrammamen kúresý kerek deıdі. Fonogrammamen emes, jaman ánmen kúresý kerek. Jaman ánmen kúrespesek, bіz ońalmaımyz. Sebebі halyqtyń qulaǵyna ottaǵan, bolmaıtyn dúnıelerdі quıyp jatyrmyz. Memlekettіk turǵydan jaman ánder aıtýǵa zańmen tyıym salý kerek. Qazіr ánshіler halyqqa tanymal bolýdyń álegіmen júr”, – deıdі óner ıesі.