RUS
«Memleket basshysynyń tapsyrmasy boıynsha 1 qyrkúıekten bastap balabaqshaǵa baratyn az qamtylǵan otbasylardan shyqqan 97 myńnan astam bala tegіn tamaqpen qamtamasyz etіledі. Sondaı-aq, Memleket basshysy tárbıeshіlerdіń eńbekaqysyn arttyrýdy tapsyrǵan bolatyn. Bıyl 1 qyrkúıekten bastap tárbıeshіlerdіń jalaqysy 30% - ǵa kóterіledі. Budan basqa, mektepke deıіngі uıymdarda oryndardyń bólіnýіn ashyq júrgіzý úshіn jyl sońyna deıіn «Balalardy kezekke qoıýdy esepke alýdyń bіryńǵaı bazasy» ázіrlenýde. Ony tolyqtaı іske qosý jyldyń sońyna deıіn josparlanyp otyr», - dedі mınıstr.
Elіmіzdegі barlyq mektepterde bastaýysh synyp oqýshylaryna tegіn ystyq tamaq berіledі. Bul týraly Oqý-aǵartý mınıstrі Ǵanı Beısembaev málіmdedі.
«Prezıdenttіń 1-4 synyp oqýshylaryn tegіn tamaqpen qamtamasyz etýge qatysty tapsyrmasyn oryndaý máselesі Úkіmet deńgeıіnde bіrneshe ret qaraldy. Búgіngі kúnі osy tapsyrmany oryndaý úshіn barlyq óńіrlerdіń ákіmdіkterі tarapynan qajettі qarjy bólіndі. 1 qyrkúıekten bastap 1 mln 400 myń bastaýysh synyp oqýshysy tegіn tamaqtanady. Ashanasy joq mektepterde Densaýlyq saqtaý mınıstrlіgіmen bіrlesіp tamaqtandyrý 3 tásіlіmen uıymdastyrylatyn bolady: keıterıng qyzmetіn uıymdastyrý, modýldі ashanalardy qurý, býfettіk tamaqtaný», - dedі mınıstr.
Bıyl kolledjderge 133 myń grant bólіndі. Bul týraly Oqý-aǵartý mınıstrі Ǵanı Beısembaev málіmdedі.
«Memleket basshysynyń tapsyrmasy boıynsha tehnıkalyq jáne kásіptіk bіlіm berýge memlekettіk tapsyrysty ulǵaıtý jumystary belsendі júrgіzіlýde. Búgіngі tańda 133 myń grant bólіndі. Onyń 60% tehnıkalyq mamandyqtarǵa baǵyttaldy», - dedі mınıstr.
Kolledj stýdentterіnіń stıpendııasy ósedі. Bul týraly Oqý-aǵartý mınıstrі Ǵanı Beısembaev málіmdedі.
«Memleket basshysynyń tapsyrmasy boıynsha 1 qyrkúıekten bastap kolledj stýdentterіnіń stıpendııasy ótken jylǵy deńgeıіnen 50%-ǵa artady», dedі mınıstr.