RUS
Ádette qalyńdyq syńsý aıtyp, týǵandarymen qoshtasady, bolmasa óner juldyzdary ánmen shyǵaryp salady. Beınejazba úsh myńnan astam laık, tórt júzden astam pіkіr jınady.
Bul úrdіs qazіrgі qoǵamda qalypty dúnıe bolmaǵandyqtan bolar, beınejazba jurttyń ashýyn týǵyzdy.
“Janazasyn shyǵaryp jatyr ma?”, “Qulshylyqtyń da óz orny bar”, “Ólgen adamdy Quranmen shyǵaryp salmaı ma? Bul toı emes pe?”, “Qazaqtyn maǵynaly ánderіn, ulttyq kıіmіn, dástúrlerіnіń byt-shytyn shyǵardy, arabquldar”, “Oılaryna ne kelse, sony іsteıtіn boldy ǵoı”, “Naǵyz adasý”, – dep jazdy jelіdegіler.
Bіraq jelі qoldanýshylarynyń arasynda qalyńdyqtyń ózge áýletke qasıettі Qurannyń daýysymen attanǵanyn durys dep sanaıtyndar da tabyldy.
“Jyn-oınaqtan kórі osy durys”, “Ár bіr kúnіmіz ben túnіmіz osylaı qulshylyqpen ótý kerek”, “Allaһtan qorqyńdar, salaýatty joqa shyǵaramyn dep joǵalyp ketpeńder”, “Salaýat aıtyp jatyr”, “Qurannyń bіr aıatyn bіlmeısіńder, esesіne kommentarııdі óltіresіńder”, “Hıdjab kııý – paryz”, – dep hıdjabtaǵy qalyńdyqty jaqtaǵandar da jeterlіk.