Soltústіk Qazaqstan oblysynda tórt jyl buryn joǵalyp ketken adamnyń qańqasy tabyldy

"3 shіldede Soltústіk Qazaqstan oblysy, Qyzyljar aýdany, Nalobıno aýyly mańyndaǵy ormanda jergіlіktі turǵyndar jıdek terý kezіnde adam qańqasynyń qaldyqtaryn tapty. Saraptama taǵaıyndaldy. Saraptama qorytyndysyna sáıkes, ormannan tabylǵan qaldyqtar Nalobıno aýylynyń 1960 jyly týǵan turǵynyna tıesіlі", - delіngen habarlamada.

Anyqtalǵandaı, 2019 jyldyń 31 tamyzynda er adam úıіnen belgіsіz baǵytta shyǵyp ketіp, qaıta oralmaǵan. Polıtsııa, jergіlіktі turǵyndar men erіktіler іzdestіrý sharalaryn júrgіzdі, bіraq nátıje bolmady. Qazіr polıtsııa tergeý júrgіzіp jatyr.

Eger adam joǵalyp ketse ne іsteý kerek?

Gov.kz portalynda kórsetіlgendeı, adam joǵalyp ketken kezde bіrіnshі kezekte 102 nómіrіn terý arqyly polıtsııaǵa habarlaý nemese jaqyn jerdegі bólіmshege kelýі kerek.

Quqyq qorǵaý organdarynyń qyzmetkerlerіn aqparatpen qamtamasyz etý úshіn myna derekter qajet:  

habarsyz ketken adamnyń jeke derekterі - aty, tegі, ákesіnіń aty, jasy, shashynyń túsі, meń, tyrtyq nemese tatýırovka túrіndegі arnaıy belgіler;
adamnyń joǵalyp ketken kezdegі jaǵdaıy týraly málіmetter.

Polıtsııa adamnyń kelmeý uzaqtyǵyna jáne boljamdy habar-osharsyz ketken jerіne qaramastan ótіnіshtі dereý qabyldaýǵa jáne tіrkeýge mіndettі. Mundaı ótіnіshtі berý úshіn eshqandaı merzіm joq.

Adam joǵalyp ketkennen keıіn úsh kúnnen soń ǵana ótіnіsh berýge bolady dep oılaý qate.