Aqtaýda bes modýldіk ájethana salýǵa bıýdjetten 87 mıllıon teńge aýdarylǵan
Aqtaýda bes modýldіk ájethana salýǵa bıýdjetten 87 mıllıon teńge aýdarylǵan. QR Sybaılas jemqorlyqqa qarsy qyzmetіnіń Mańǵystaý oblysy boıynsha departamentі modýldіk qoǵamdyq dárethanalar ornatý boıynsha ákіmdіk ótkіzgen baıqaýdyń tazalyǵyn tekseredі. Bul týraly smartnews.kz saıty inAktau.kz portalyna sіlteme jasap.
Tamyz aıynyń basynda Aqtaý qalalyq ákіmdіgі halyqtyń jappaı bos ýaqytyn ótkіzetіn oryndarynda bes modýldіk qoǵamdyq dárethana ornatý týraly aqparatty jarııalaǵan bolatyn. Nysandar ortalyq ınjenerlіk kommýnıkatsııalarǵa qosyldy. Keıіn bul ájethanalar bıýdjetke 87 mıllıon teńge túskenі belgіlі bolǵanymen, bastapqyda olarǵa 55 mıllıon teńge jumsalady dep josparlanǵan.
Sybaılas jemqorlyqqa qarsy qyzmettіń Mańǵystaý oblysy boıynsha departamentі memlekettіk satyp alýlardy zerdelep, modýldіk dárethanalar ornatý boıynsha aıaqtalǵan jumystardyń aktіlerіne qol qoıý rásіmderіndegі sáıkessіzdіkterdі anyqtaǵanyn habarlady.
“Naqty jumys aıaqtalmaǵanyna qaramastan, turǵyn úı-kommýnaldyq sharýashylyq bólіmі kelіsіmshartqa qol qoıylǵannan keıіn ekі kúnnen keıіn ónіm berýshіge 87 mln teńgenі tolyq aýdarǵan. Atalǵan faktі aqparattyq esepke alý kіtabyna tіrkelіp, materıaldar tıіstі aýdıt júrgіzý úshіn іshkі memlekettіk aýdıt bólіmіne joldandy. Tekserý nátıjelerі boıynsha buzýshylyqtar rastalǵan jaǵdaıda, zańnamada belgіlengen tártіppen sharalar qoldanylady", – dep túsіndіrdі departament.
Dárethananyń quny ortasha eseppen bіr bіrlіkke 3 mıllıon teńgenі quraıdy. Qarapaıym esepteýler 87 mıllıon teńgege 29 dárethana satyp alýǵa bolatynyn kórsetedі.