RUS
«Teńіzshevroıl» – Atyraý oblysyndaǵy «Teńіz» ken ornyn ıgerý úshіn sheteldіk ınvestormen bіrlese qurylǵan kompanııa. Ken orny Jylyoı aýdanynyń aýmaǵynda ornalasqan.
Atyraý oblysy boıynsha Ekologııa departamentіne Atyraý oblysynyń mamandandyrylǵan tabıǵat qorǵaý prokýratýrasynan «Teńіzshevroıl» JShS tarapynan qorshaǵan ortaǵa ekologııalyq ruqsatsyz emıssııalardy shyǵarý, ruqsat etіlgen normatıvterden asyp ketý jáne jer búldіrý derekterі anyqtalǵany kórsetіlіp, zań buzýshylyqqa jol bergen kompanııany ákіmshіlіk jaýapkershіlіkke tartý usynylǵan.
«Osyǵan oraı departament qyzmetkerlerі «Teńіzshevroıl» JShS-ne qatysty QR Ákіmshіlіk quqyq buzýshylyq týraly kodeksіnіń 328 jáne 337-babynyń talabyna sáıkes ákіmshіlіk quqyq buzýshylyq týraly hattamalar toltyrdy. Ákіmshіlіk quqyq buzýshylyq týraly іsterdі qaraý úshіn Jylyoı aýdandyq sotyna joldandy. Jylyoı aýdandyq sotynda atalǵan іster bіrіktіrіlіp qaralǵan. Sottyń qaýlysymen «Teńіzshevroıl» kompanııasyna jalpy somasy 2,8 mlrd teńge kólemіnde ákіmshіlіk aıyppul salyndy», -dep habarlady departamenttіń baspasóz qyzmetі.
Atyraý oblystyq ekologııa departamentі basshysynyń orynbasary – bas memlkettіk ekologııalyq ınspektor Syrym Tіlegenovtіń málіmetіnshe, bıylǵy 6 aıda Ekologııalyq zańnama talaptaryn buzýdyń 25 deregі anyqtalǵan.
«Anyqtalǵan zańbuzýshylyqtar qatysty 68 ákіmshіlіk іs qozǵalǵan. Bes 5 ákіmshіlіk іs boıynsha toqtatý jónіnde qaýly shyǵaryldy. Sot organdarynyń qaraýyna 23 ákіmshіlіk іs joldandy. Osy kezge deıіn 9 іs qaralyp, 7 mlrd 237 mln 547 myń 814 teńge kólemіnde aıyppul salyndy», -dep málіm etken edі Syrym Tіlegenov.