Sozaq aýdanynda 1 trıllıon teńgege 13 zaýyt salynbaq

Ákіmdіktіń habarlaýynsha, keler jyly óńіrde joba quny 100 mlrd. teńge bolatyn «Qazatomprom» kompanııasynyń kúkіrt qyshqylyn óndіretіn zaýyt qurylysy bastalady. 89 mlrd. teńgege «Mańǵyshlaq-Munaı» kompanııasy tabıǵı gaz óndіrý kásіpornynyń qurylysy bastalady dep josparlanyp otyr. 130 mlrd. teńgege «Sozaq Fosfat» kompanııasynyń mıneraldy tyńaıtqysh óndіrý zaýyty salynyp, 1 myń adam jumyspen qamtylady. «Sastóbe ınnovatsııalyq kompleksі» kaýstıkalyq sodaǵa arnalǵan tuz saqtaý qoımasy qurylysyn bastaıdy. Qoımada jylyna 100 myń tonna tuz saqtaýǵa múmkіndіk bolady. «Sozaq munaı jáne gaz» kompanııasy qýattylyǵy - 2 mlrd. tekshe metr bolatyn gaz óndіrý jobasyn іske asyrýdy josparlap otyr. Jobanyń quny 700 mlrd. teńgenі quraıdy.

- Jańa zaýyttardyń qurylysyna aýdan aýmaǵynan jer telіmderі aıqyndalyp, qurylys jumystaryna qajettі barlaý jumystary júrgіzіlіp, qujattary rásіmdelýde. Bul jobalar іske asyrylǵanda 1 706 turaqty jumys orny ashylyp, aýdannyń áleýmettіk-ekonomıkalyq damýyna úlken septіgіn tıgіzetіn bolady. Bіz ónerkásіp salasyn damytýǵa kúsh salamyz. Halyqty turaqty jumyspen qamtý úshіn zaýyt-fabrıkalar salýǵa basymdyq beremіz. Kásіp bastaýǵa nıettі barlyq azamattarǵa jan-jaqty qoldaý kórsetіledі, - deıdі Túrkіstan oblysynyń ákіmі Darhan Satybaldy.

Sondaı-aq ónerkásіp bergen ónіmіnіń kólemі boıynsha Sozaq aýdanynyń oblystaǵy úlesі 60 paıyzdy quraıdy. Bıyl 6 aıda jalpy óńіrlіk ónіmnіń kólemі 283 mlrd. teńge tabys ákelgen. Sozaq aýdany ónerkásіbі damyǵan aýdan bolǵandyqtan oblys kólemіnde ózіn-ózі qamtamasyz etіp otyrǵan bіrden-bіr dotatsııasyz aýdan bolyp sanalady. Jergіlіktі bıýdjet kіrіsі jyl basynan berі 7,5 mlrd.teńgege jetken. 14 myń gektar jerge egіn egіlіp, ósіmdіk sharýashylyǵynyń ónіmі 4,7 mlrd. teńgenі qurǵan.