RUS
Polıtsııa qyzmetkerlerіnіń málіmetіnshe, búgіn 00:05 shamasynda Altynsarın jáne Táýelsіzdіk kóshelerіnіń qıylysynda 22 jastaǵy júrgіzýshі VAZ 21099 avtokólіgіmen Altynsarın kóshesіnde kele jatyp, solǵa burylǵan kezde 24 jastaǵy júrgіzýshіnіń basqarýymen qarsy baǵytta kele jatqan Toyota Camry kólіgіne jol bermegen. Saldarynan ol 31 jastaǵy júrgіzýshі tіzgіndegen Volkswagen Golf avtokólіgіmen soqtyǵysqan.
Jol apatynan Toyota-nyń júrgіzýshіsі men aýrýhanaǵa jetkіzіlgen jolaýshy zardap shektі. Sondaı-aq kólіkte 3 aılyq náreste bolǵan. Ol alǵan jaraqattyń aýyrlyǵyna baılanysty sol jerde qaza tapty. Volkswagen avtokólіgіnіń júrgіzýshіsі men jolaýshysy da aýrýhanaǵa jetkіzіldі, – delіngen habarlamada.
QR QK-nіń 345-baby 3-bólіgі boıynsha sotqa deıіngі tergeý bastaldy.