Qazaqstanda bolý merzіmіn buzǵan sheteldіkterge qansha aıyppul salynady
Elіmіzge jumys babymen nemese oqý úshіn 30 táýlіkten astam merzіmge kelgen sheteldіkterge ýaqytsha turýǵa ruqsat resіmdeledі. Bul týraly Astana qalasy polıtsııa departamentі kóshі-qon qyzmetі basqarmasynyń basshysy Erbol Mahmetov málіm ettі, dep habarlaıdy smartnews.kz saıty.
«Elіmіzge kelgen shetel azamattary men olardy qabyldaǵan jaqtan Qazaqstanda bolý zańnamasynyń buzylýyna jol bermeýіn suraımyz», - dedі Erbol Mahmetov polıtsııa departamentіnde ótken baspasóz máslıhatynda.
Onyń aıtýynsha, elіmіzde bolý qaǵıdalary buzylǵan jaǵdaıda sheteldіkter ákіmshіlіk- qylmystyq kodekstіń 517-baby boıynsha ákіmshіlіk jaýapkershіlіkke tartylady. IAǵnı Qazaqstanda bolý merzіmіn buzý.
Aıyppuldyń mólsherі bolý merzіmіnіń buzylýyna baılanysty taǵaıyndalady. Mysaly, 3 táýlіkke deıіn – eskertý, 5 táýlіkke deıіn – 10 AEK (aılyq eseptіk kórsetkіsh), 10 táýlіkke deıіn 15 AEK.
Eger shetel azamaty elіmіzde bolý merzіmіn 10 táýlіkten artyq buzsa, onda ákіmshіlіk hattama sotqa jіberіledі. Sottyń sheshіmіmen aıyptyǵa 25 AEK kólemіnde aıyppul salynady nemese elden shyǵarylady.
«Elge 30 táýlіkten astam merzіmge kelgen shetel azamattaryna (jumys, oqý, emdeý, bıznes-ımmıgranttar úshіn, sondaı-aq otbasyna kelý jáne turaqty turý maqsatynda) ýaqytsha turýǵa ruqsat resіmdeledі. Jyl basynan berі 27 731 ruqsat resіmdeldі», - dep qorytyndylady spıker.