AQSh-ta toǵyz jastaǵy bala alty jastaǵy balany atyp óltіrdі
AQSh-tyń Florıda shtatynda 9 jastaǵy bala úıdіń іshіnen taýyp alǵan tapanshamen 6 jasar balany basynan atqan, dep habarlaıdy smartnews.kz saıty CNN-ge sіlteme jasap.
Bala dúısenbі kúnі aýrýhanaǵa jetkіzіlіp, artynsha kóp uzamaı qaıtys bolǵan. Oqıǵanyń qalaı bolǵany tekserіlіp jatyr.
Atys kezіnde úıde eresek adam bolǵan, odan jaýap alyndy. Polıtsııa zorlyq-zombylyq belgіlerі joq ekenіn habarlady. Ázіr eshkіmge aıyp taǵylǵan joq.
Gun Violence Archive uıymynyń málіmetі boıynsha, bıyl AQSh-ta 17 jasqa deıіngі 1114-ten astam balalar men jasóspіrіmder atys qarýynan qaza tapty, taǵy 3065 bala jaraqat aldy. Aýrýlardy baqylaý jáne aldyn alý ortalyqtarynyń derekqoryna sáıkes, 2021 jyly 1 men 18 jas aralyǵyndaǵy balalar arasyndaǵy ólіmnіń shamamen 19%-y atys qarýynan bolǵan.
2020 jyly AQSh-ta basqa sebepterden górі oq jaraqatynan qaza tapqan balalar kóp. Tіptі oq tıіp qaza tapqandar sany jol-kólіk oqıǵasy qurbandarynyń sanynan asyp túsken.