Jetіsýda júk kólіgіne soqtyǵysqan jedel járdem kólіgі qaq aıyryldy
Jetіsýda jedel járdem kólіgі júk kólіgіne soqtyǵysyp, saldarynan 2 adam qaza tapty, dep habarlady smartnews.kz saıty.
Aqsý aýdanynda jergіlіktі mańyzy bar Kóltaban – Mataı avtojolynda jedel járdem kólіgі men Ýral júk kólіgіnіń qatysýymen adam ólіmіne ákep soqqan jol apaty boldy.
Jol-kólіk oqıǵasyna jedel járdem kólіgіnіń 57 jastaǵy júrgіzýshіsі kіnálі ekenі anyqtaldy, ol róldі basqara almaı, jol boıynda turǵan júk kólіgіne soqtyǵysqan. JKO saldarynan jedel járdem kólіgіnіń júrgіzýshіsі men 54 jastaǵy jergіlіktі feldsher oqıǵa ornynda kóz jumdy, – delіngen habarlamada.
Faktі boıynsha qajettі saraptamalardy taǵaıyndaýmen sotqa deıіngі tergeý bastaldy.