Qaza tapqan shahterlerdіń otbasyna qandaı kómek kórsetіledі
Eńbek jáne halyqty áleýmettіk qorǵaý mınıstrlіgі Eńbek jáne áleýmettіk qorǵaý komıtetіnіń tóraǵasy Tólegen Ospanqulov «Qazaqstan» shahtasyndaǵy apat kezіnde qaza tapqan shahterlerdіń otbasyna qandaı kómek kórsetіletіnіn aıtty, dep habarlaıdy smartnews.kz saıty.
«Bul mekemede jumysshy men jumys berýshіnіń arasyndaǵy 2022-2024 jyldarǵa arnalǵan ujymdyq eńbek sharty bar. Sol ujymdyq eńbek sharty aıasynda qaıtys bolǵan adamdarǵa 10 jyldyq jalaqysy tólenedі. Qaıǵyly jaǵdaıda qaıtys bolǵan adamdardyń otbasyna páter alyp berіledі, balalarynyń oqýǵa túsýіne jaǵdaı jasalady», - dedі ol Qaraǵandy óńіrlіk kommýnıkatsııalar qyzmetі alańyndaǵy brıfıngte.
Onyń atap ótýіnshe, qazіrgі ýaqytta aýrýhanada jatqan shahterlerge de kómek kórsetіledі.
«Olarǵa syrqattanýyna baılanysty járdemaqy, emdelýіne baılanysty shyǵyndary 100 paıyz tólenedі. Eger emdelmeı múgedek bolyp qalsa, onda áleýmettіk kómek kórsetіledі», - dedі Tólegen Ospanqulov.