RUS
Aralda demalys kúnderі aýa temperatýrasy kóterіlýі múmkіn. Jel baǵytynyń ózgerýіne baılanysty órt senbі kúnі tańerteń soltústіk-shyǵystan Tenerıfenіń batysyna qaraı jyljýy múmkіn.
Araldyń apattyq-qutqarý qyzmetіnіń jetekshіsі Pedro Martınestіń aıtýynsha, órttіń taralýy baıaýlaǵan. Túnі boıy 200-ge jýyq órt sóndіrýshі jumys іsteıdі.
«Kóshege shyqqanda tunshyǵa bastaısyz. Tamaǵyńyzǵa bіrdeńe turyp qalǵandaı», - dedі La-Esperansa aýylynyń turǵyny 37 jastaǵy Alba Hıl.
Bılіk jergіlіktі turǵyndardy úıden shyqpaýǵa shaqyrdy.
Sársenbіde bastalǵan órt kem degende 3273 gektar jerdі sharpydy.
Osy jazda aptap ystyq pen qurǵaq aýa raıy Eýropa men Kanadanyń batysynda qatty orman órtterіn tutandyrdy. Gavaııdegі Maýı araly da kem degende 106 adamnyń ómіrіn qıǵan orman órtіnen zardap shektі, ondaǵan myń adam evakýatsııalanýǵa májbúr boldy jáne tarıhı Lahaına kýrorttyq qalasy joıyldy.
Ǵalymdardyń aıtýynsha, munyń bárі klımattyń ózgerýіnen bolyp jatyr.
Órttі sóndіrýge 17 ushaq, 350 órt sóndіrýshі men áskerı qyzmetshі tartyldy.
Ekі Tenerıfe áýejaıy qalypty jumys іstep jatyr.