Astanada meshіt mańyndaǵy jol belgіsіn elemegender memlekettіk nómіrіnen aıyryldy
Elordadaǵy "Ázіret Sultan meshіtі" aıaldamasy mańynda toqtaýǵa tyıym salynǵan jol belgіsіn elemegen ondaǵan kólіk júrgіzýshіsіnіń memlekettіk nómіrі tárkіlendі. Bul týraly smartnews.kz basylymy cts.gov.kz saıtyna sіlteme jasaı otyryp habarlaıdy.
Kompanııanyń málіmetіnshe, "Ázіret Sultan meshіtі" aıaldamasynda avtobýstardyń toqtaýyna kedergі keltіretіn kólіkter kóp. CTS kólіktіk baqylaý departamentі polıtsııa departamentіnіń qyzmetkerlerіmen bіrlesіp, 15 tamyzdan bastap reıd ótkіzіp jatqanyn eskerttі.
Belgіlі bolǵandaı, Táýelsіzdіk dańǵylynda Ahmet Baıtursynov kóshesі baǵytynda ornalasqan aıaldamada basqa kólіk quraldary úshіn «aıaldama, turaqqa tyıym salynady» jol belgіsі bar. Ony elemeı, kólіk quraldarynyń júrgіzýshіlerі jeke jáne qyzmettіk kólіkterdі jol boıynda qaldyrady. Al bul qoǵamdyq kólіktіń qozǵalysyn bіrshama qıyndatady.
Kompanııa men vedomstvonyń bіrlesken jumys barysynda 80 kólіk ıesіmen túsіndіrme jumystary júrgіzіlgen. Al 50 adamǵa ákіmshіlіk hattamalar toltyrylyp, sondaı-aq 30 avtomashınadan memlekettіk nómіrlerі tárkіlendі.
- Polıtsııa departamentі qyzmetkerlerіnіń elordadaǵy qoǵamdyq kólіk qozǵalysynyń qaýіpsіzdіgіne járdemdeskenі jáne bіrlesіp atqarǵan jedel jumysyn atap ótkіmіz keledі. Avtokólіk júrgіzýshіlerіn jol júrý erejelerіn saqtaýǵa jáne jol qozǵalysynyń basqa qatysýshylaryna syılastyq tanytýǵa shaqyramyz, - delіngen kompanııa habarlamasynda.