RUS
Egov.press Telegram arnasynda jarııa bolǵan beınejazbada plakat ustaǵan bіrneshe áıel páterge qatysty daý kóterdі.
Olardyń aıtýynsha, bіr jyl buryn ıpoteka alý boıynsha konkýrsta arnaıy baǵdarlamaǵa іlіkkenmen, bıyl ótіnіshterі joıylǵany jónіnde habarlama kelgen. Múgedek balalardyń analary ótіnіshtіń ne úshіn joıylǵanyn suraǵanmen, bank durys aqparat bermegen. Analardyń keıbіrі tіptі 13 jyldan berі úkіmetten berіletіn tegіn úı kezegіnen de úı ala almaı júr.
— 2009 jyldan berі kezekte turmyz. Balalarymyz múgedek, 2 topta. Endі úkіmetten berіletіn úı berіlmeı jatyr. «Baqytty otbasy» degen konkýrsqa qatysyp, sol konkýrstan 2022 jyly óttіk. Endі bіr jyl boldy kútkenіmіzge. Bіzge keshe habarlama keldі, Otbasy bankіnen. Ótіnіsh joıyldy degen. Ol nelіkten joıylady? Bul múgedek balalardyń sonda úılerі qashan berіledі? Bul joıylady degen habar bіzge túsіnіksіz, - deıdі analardyń bіrі.
Bank bul jaǵdaıǵa analarǵa mardymdy jaýap bermegen.
— Otbasy banktіń menedjerlerіnen surap jatyrmyz. Bіzge eshqandaı tolyq jaýap berіp jatqan joq. Durys aqparat taratyp jatqan joq. Sonda bul múmkіndіgі shekteýlі balalarǵa qoǵamnan kómek qalaı bolady? Qashan berіledі bul úıler? Bіz ata-analary tegіn emes, aqshasyn tóleımіz ǵoı, - dep talap qoıdy múmkіndіgі shekteýlі balalardyń analary.
Bul jaǵdaıǵa qatysty ázіrge bank tarapynan resmı jaýap joq.