Almatyda qaı avtobýstar jańartylmaq?

Almaty ákіmdіgіnіń baspasóz qyzmetі bergen málіmet boıynsha, 21 tamyzdan bastap №24 jáne №125 marshrýttardyń jyljymaly quramy jańartylady.

Buǵan deıіn №24 marshrýtta 6 dızeldі avtobýs jumys іstegen. Onyń ornyna endі 12 jańa gazben júretіn avtobýs qyzmet etedі. Jolaýshylardyń suranysy boıynsha bul baǵyt uzartyldy. Endіgі baǵyt: Saıyn - Momyshuly - Tóle bı - Rozybakıev - Ójet yqsham aýdanyna deıіn Soltústіk aınalma kóshesіmen júretіn bolady. Aldyńǵy marshrýt ÚAK boıymen júretіn. Jańartýdan keıіn qozǵalys jıіlіgі 20 mınýttyń ornyna 12-13 mınýtty quraıtyn bolady.

Sondaı-aq, №125 marshrýttyń jyljymaly quramy tolyǵymen jańartylady, onda buryn 6-7 dızeldі avtobýs júrgen bolatyn. 21 tamyzdan bastap osy baǵytta 10 jańa gazben júretіn avtobýs shyǵarylady. Buǵan deıіn atalǵan marshrýttyń jıіlіgі 40 mınýtqa deıіn uzarǵan, jańa avtobýstar shyqqannan bastap júrý jıіlіgі 15-18 mınýtqa deıіn tómendeıdі dep kútіlýde.

Barlyq jańa avtobýstar ortasha syıymdylyqta, on metrlіk, edenі tómen, múmkіndіgі shekteýlі jolaýshylarǵa jaǵdaılar qarastyrylǵan. Salqyndatý júıesіmen jáne peshpen jabdyqtalǵan.