Balalarymyzdyń tіlі jappaı orystanýyna ne kіnálі?

Qoǵamdaǵy jáne áleýmettegі ózektі máselenіń bіregeıі - tіl bolyp tur. Tіlі orystanǵan balalarymyz kóp. Oǵan ne sebep?

Kóp ata-ana ul-qyzynyń qazaq tіlіnde sóıleýge qulyqsyzdyǵyn telefon men áleýmettіk jelіnіń kesіrі dep kóredі. Bіraq balanyń qandaı kontenttі tutynyp, qandaı jelі qoldanyp jatqanyn ata-ana qadaǵalaýy kerek. Dese de, qazіr bala tárbıesіn telefonǵa júktegen jumysbasty ata-ana kóp.

Atalǵan máselege qatysty Astanadaǵy №65 mektep-gımnazııa dırektorynyń orynbasary Maıra Myrzahmetova bylaı deıdі:

- Shіlde aıynda Astana qalasynda ózіm іsteıtіn mektepte dırektordyń mіndetіn ýaqytsha atqaryp otyrdym. 1-synyptar boıynsha 6 qazaq synyby, 6 orys synyby ashyldy bіzde. Qazaq synyptaryna balalardy kóbeıtý kerekpіz, orys synybyna bala alýdy toqtatyńdar degen tapsyrma keldі joǵarydan. Qujat tapsyrýǵa 10 kún qalǵanda qanshama ata-analar keldі orys synybyna beremіz dep. 80 paıyzy ózіmіzdіń qazaqtar, - deıdі jeke Facebook paraqshasynda.

Maıra Myrzahmetovanyń jazýynsha, ata-analar balalaryn ózderі orys synybyna berýge qulyqty eken.

- Túsіndіrіp kórdіm, "almaımyz, orys synybyna bala alýdy toqtatty" desem de balaǵattap, neshe túrlі sózderdі aıtty. Esіgіmdі teýіp qorqytyp ketkender qanshama. Bul jaǵdaı júrektі aýyrtty... Balam sóıleı almaıdy, balabaqshada úırenbedі dep aqtalady kóbіsі. Sіzder she desem, bіzdіń ýaqytymyz joq balamen sóılesýge, telefonnan úırenіp alǵan degende ne aıtarymdy bіlmedіm...-  dep qynjyldy maman.