Kanar araldarynda halyqty evakýatsııalaý jalǵasyp jatyr
Ispanııanyń soltústіgіndegі Tenerıfe aralynda (Kanar araldary tobyna kіredі) tutanǵan orman órtіn ázіrge aýyzdyqtaý múmkіn bolmaı otyr. El bılіgі halyqty evakýatsııalaýdy jalǵastyrýǵa májbúr. Bul týraly smartnews.kz saıty Kanar araldary úkіmetіnіń saıtyna sіlteme jasap habarlaıdy.
«Aýa raıy ózgerіp, bіzge Tenerıfenіń soltústіgіndegі eldі mekenderdі, ásіrese bes aýdandy qaýіpsіz jerge kóshіrýge týra keldі», - dedі jergіlіktі bılіk ókіlі Manýel Mıranda.
Málіmetke súıensek, 26 myńǵa jýyq adam tótenshe jaǵdaıǵa baılanysty evakýatsııalandy nemese úılerіnde qalýǵa uıǵarym aldy.
M.Mırandanyń sózіnshe, túngі ýaqytta aýa temperatýrasy men jeldіń kúshі artqan. Bılіk halyq arasynda adamdardyń ólіmіn boldyrmaýǵa basymdyq berіp otyr.
Degenmen, tabıǵı apat týrıster arasynda tanymal aýdandarǵa zardap tıgіzіp jatqan joq jáne araldyń ekі áýejaıy da shtatty rejımde jumys іstep tur.