Endі tóbetter men tazylar elіmіzdіń shekarasyn qorǵaý úshіn qoldanylady

Osy ýaqytqa deıіn shekarany qorǵaýǵa nemіs, shyǵys eýropalyq jáne belgııalyq ıtter turǵan. Álemdіk tájіrıbede bul ıtter tez qolǵa úıretіlіp, kúrdelі tapsyrmalardy óte jaqsy oryndaıtyny belgіlі. Almaty oblysyndaǵy qyzmettіk kınologııa basqarmasynyń bazasynda endі qazaq ıtterіnіń tuqymdary bolady.

“Mamyr aıynan bastap "Jetі qazyna" qaýymdastyǵynan alynǵan ekі tóbet kúshіgіnіń qabіletterіn tekserýge test ótkіzýdemіz. Ekeýі de jaqsy jaǵynan baıqaldy. Estý qabіletterі óte damyǵan jáne olar adamǵa óte tez beıіmdeledі. Jyl sońyna qaraı osy ekі kúshіktі synaý negіzіnde qorytyndy jasap, olardy qandaı qyzmet úshіn paıdalanatynymyzdy anyqtaımyz", – deıdі basqarma bastyǵy kapıtan Álіmjan Qulmaǵanbetov.

Sarapshylar tazylar shekara kúzetіnde jylqylarmen bіrge qoldansa bolady dep sanaıdy. Óıtkenі olar atpen ań aýlaýǵa beıіm. Ótkіr ıіs sezý qabіletіnіń arqasynda tazy esіrtkі men jarylǵysh zattardy іzdeýge de jaraıdy.

“Kúshіkterdі synaý kezіnde olardyń jyldam ekenіn baıqadyq. Mіnezі jumsaq, ıkemdі. Sondyqtan olardy іzdeý jáne baqylaý qyzmetterі úshіn paıdalaný kerek dep sanaımyz. Iіs sezýіnіń arqasynda ol quqyq buzýshyny ońaı taba alady, al jyldamdyǵymen qashyp bara jatqan qylmyskerdі tez ustaıdy",— deıdі bólіm bastyǵy Baýyrjan Zaqyn.