«Tańdanatyn eshteńe joq»: Almatyda jas jіgіt 53 jastaǵy áıeldіń júregіmen júr

Kúrdelі ota DSM Kardıologııa jáne іshkі aýrýlar ǵylymı zertteý ınstıtýtynda jasalǵan bolatyn. Damırge dárіgerler «Sozylmaly júrek jetkіlіksіzdіgі» dıagnozyn qoıǵan.

Júrek donory – 53 jastaǵy almatylyq áıel. Bıyl ol ıshemııalyq tıptegі úshіnshі JMQB-dan qaıtys bolǵan. Medıtsına qyzmetkerlerі marqumnyń týystaryna júrek, baýyr jáne búırek aýrýlary bar muqtaj patsıentterge donorlyq kómek kórsetý týraly aıtqan.

Áıeldіń balalary «Anamyzdyń júregі qaıta soǵyp, basqa adamǵa ómіr syılasyn» degen nıetpen usynysty qabyldaǵan. Osylaısha, qaıtys bolǵan naýqastyń júregі 23 jastaǵy jіgіtke salyndy.

Kardıohırýrg Janar Nurbaı búgіnde Danııardyń aýrýhanadan shyǵarylǵanyn, baqylaýda ekenіn atap óttі.

Ol úıіnde. Bіz onymen únemі baılanystamyz. Transplantatsııadan keıіn naýqasty baqylaý 2 fazadan turady: erte ındýktsııa jáne uzaq merzіmdі qoldaý. Oń jaq qarynshanyń endomıokardıaldyq bıopsııasy alyndy. Aǵzadan bas tartýdy boldyrmaý úshіn ımmýnosýpressıvtі terapııa júrgіzіledі, - dedі dárіger.

Jas jіgіt jaǵdaıy bіr qalypty ekenіn, sportpen shuǵyldanǵysy kelіp júrgenіn aıtty.

Ózіmdі jaqsy sezіnemіn. Kún saıyn jaǵdaıym jaqsaryp keledі. Tańdanatyn eshteńe joq, jańa júrektі ádettegіdeı sezіnіp júrmіn. Operatsııaǵa deıіn artyq qımyl jasaý qıyn boldy. Arnaıy josparym joq. Bіrіnshі jyly tolyq qalpyma kelgіm keledі. Fıtnes-zalǵa baryp, denemdі shynyqtyrsam deımіn. Sondaı-aq mamandyǵymdy aıyrbastaımyn degen oı bar. Alaıda naqty ne іstegіm keletіnіn álі sheshpedіm, - dedі Danııar.