Bіr áýlettіń 11 adamy sýǵa kettі: Túrkіstan oblysynyń basshylyǵy oqıǵa ornyna bardy
Túrkіstan oblysynyń basshylyǵy Syrdarııa ózenіne batyp ketken adamdardy іzdestіrý jumystaryn baqylaý úshіn oqıǵa ornyna bardy, dep habarlaıdy smartnews.kz saıty.
Osy ýaqyttaǵy jaǵdaı boıynsha, sýǵa ketken 11 adamnyń segіzіnіń denesі tabyldy. Qalǵan 3 adamnyń máıіtіn іzdeý jalǵasyp jatyr. Olardyń barshasy Kóksaraı aýylynda turatyn bіr áýlettіń adamdary.
«Jaǵdaı oblys basshysy Darhan Amangeldіulynyń tіkeleı baqylaýynda. Oblys ákіmіnіń bіrіnshі orynbasary Zulyphar Joldasov pen oblys ákіmіnіń orynbasary Beısen Tájіbaev atalǵan jerde bolyp, nusqaýlyqtar júrgіzdі. Qaıǵy jamylǵan áýlettіń úıіne baryp, kóńіl aıtty. Tıіstі kómek uıymdastyrylatyn bolady», - delіngen Túrkіstan oblysy ákіmdіgі taratqan habarlamada.
Qazіr oqıǵa ornynda 144 brıgada, 16 tehnıka, 6 júzý quraly jumys іstep jatyr. Izdestіrý sharalary túnde de toqtaǵan joq.
Oblystyq Tótenshe jaǵdaılar departamentі janynan jedel shtab jumys іstep tur.