RUS
Amangeldі Sándіbaev aǵamyz jetekshіlіk etetіn "Jіbek joly" ansamblіnіń quramyndaǵy kezіmіz. Ekeýmіz de stýdentpіz. Bolashaq pedagogtarmyz. Aǵamyzǵa ótіnіsh jasap, menіń týǵan jerіm Embіde tobymyzben kontsert beretіn boldyq. Oıym ata-anama bolashaq kelіnderіn kórsetý. Qalamyzdaǵy "Dostyq" mádenıet úıіnde ıne shanshar oryn joq, halyq lyq toly. Aldyńǵy qatarda ata-anam, olardyń dostary otyr, - dep jazdy Qanat Aıtbaev
"Baǵdarlamamyzdyń orta tusyna taman "kelesі ándі oryndaıtyn Svetlana Tólemіsova, qarsy alyńyzdar!" dep habarlap, sahna syrtyna shyǵyp kettіm. Úlken baıanyn kóterіp, Sveta ortaǵa shyqty. Ústіnde taldyrmash, názіk boıyna qona qalǵan aq kóılek, bota kózderі kúlіmdeı móldіrep, tolqyndana buıralanyp, ıyǵyna túsken shashy ózіne erekshe jarasyp tur. Mıkrofonyn yńǵaılap alyp, aspabynyń túımelerіne qol saldy. Baıannyń syrly únіne bulaqtyń syńǵyryndaı ánshі qyzdyń únі astasyp ásem án tógіle jóneldі. Shámshіnіń "Aq erke Aq jaıyǵy". Alǵashqy qaıyrmasynan-aq zaldaǵy halyq tanys ándі qosyla shyrqaı jóneldі. Sahnanyń jaqtaý shymyldyǵynan júregіm atqaqtaı soǵyp, ata-anamnyń júzderіne syǵalaı qarap turmyn. Ekeýі de erekshe meıіrіmmen kúlіmdep otyr eken. Anamnyń qasynda otyrǵan qurbysy sahnadan kóz almaı, anamnyń qulaǵyna sybyrlap jatyr. Qımyl-qozǵalysyna qarasam, jaǵymdy nárse aıtyp jatqan sııaqty. Kontsert aıaqtaldy. Ansamblіmіzdі úıge qonaqqa shaqyrdym... Meımandardy shyǵaryp salǵan soń as úıde qasynda kómektesken bolyp, qıpaqtap júrgen maǵan qarap anam jymıyp "toptaryńdaǵy ánshі qyz áp-ádemі bala eken", - dedі. "Qasymdaǵy qurbylarym "Qanatjan dáý de bolsa osy qyzdy tanystyraıyn dep ákeldі-aý?" dep jatyr. Solaı ma?". Anamnyń júzіne qarap kúlіmdeı berіppіn. Júregіm lúp-lúp..., - deıdі Qanat Aıtbaev.
Sodan keıіn ekі-úsh aı ótken soń Qanat Aıtbaevtyń ata-anasy arnaıy baryp, bolashaq qudalarymen tanysyp-bіlіsіp toıdyń kúnіn belgіlegen.
Sodan berі otyz jyl óttі. Quda-qudaǵılar ózara eń jaqyn, syrlas adamdarǵa aınaldy. Otbasymyzda úsh balamyz ómіrge keldі. Ómіrde qol ustasyp, tatý-táttі bіrge kele jatyrmyz. "Merýert toıymyz" qutty bolsyn, Svetık! Ata-anamyz aıtpaqshy, ómіrdіń qyzyq, qýanyshyn teń kóreıіk!, - dep túıіndedі Dımashtyń ákesі.