"Qol jumsaıtynyn belgіsіz jіgіt habarlaǵan": Túrkіstan oblysynda asylyp turǵan qyzdy polıtseıler qutqardy

Oqıǵa Tólebı aýdanynyń polıtsııa bólmіshesіne pavlodarlyq jas jіgіttіń qońyraý shalýymen bastalǵan. Ol Túrkіstan oblysynda turatyn ózіnіń tanysyn tez arada qutqarý kerektіgіn jetkіzgen. 

Polıtsııa qyzmetkerlerі habarlamadan soń bіrden qyzdyń turǵylyqty mekenjaıyn anyqtap, sol jerge barǵan. Ýchaskelіk ınspektorlar úıdіń qaqpasyn qaqqanymen, eshkіm ashpaǵan. Keıіn tártіp saqshylary ýaqytty joǵaltpaı qaqpanyń ústіnen sekіrіp kіrgen. 

Olardyń aldynan shyqqan áıel qyzynyń óz bólmesіnde uıyqtap jatqanyn aıtady. Tártіp saqshylary senіmdі bolý úshіn úıdі teksergen. Alaıda olar qyzdyń bólmesіnde joq ekenіn jáne asúıde qoshtasý haty turǵanyn anyqtaǵan.

Iz-tússіz joǵalǵan qyzdy іzdegen polıtseı úıdіń tóbesіne aparatyn baspaldaqty baıqap, oǵan kóterіlіp, sol sátte arqanǵa іlýlі turǵan qyzdy kórgen.

“Ýchaskelіk qyzmetker dereý árіptesіn kómekke shaqyrdy. Olardyń bіrі qyzdy kóterіp, ekіnshіsі іlmektі kesіp tastady. Sodan keıіn polıtsııa oǵan alǵashqy medıtsınalyq kómek kórsete bastady: olar jansyzdanǵan aıaq-qoldaryn ýqalap, jasandy tynys berіp, jedel járdem shaqyrdy. Qyraǵylyq pen kelіsіlgen árekettіń arqasynda polıtseıler 24 jastaǵy qyzdy ólіmnen qutqaryp qaldy”, – delіngen habarlamada. 

Qazіrgі ýaqytta boıjetkennіń jaǵdaıy turaqtalǵan. Alaıda dárіgerler eger polıtseıler bіrneshe sekýndqa keshіkkende qyzdyń ómіrmen qoshtasýy múmkіn ekenіn aıtty. Oqıǵanyń tolyq mán-jaıy álі de anyqtalyp jatyr.