RUS
Qordyń baspasóz qyzmetіnen málіm etkendeı, munda aýtızmі bar balalarmen jumys іsteýdіń ozyq ádіsterі, onyń іshіnde robot terapııasy qoldanylady. Aýtıst balalardyń kóbі muǵalіmmen kóz túıіstіrýden qashyp, nusqaýlardy oryndaı bermeıdі. Sondyqtan robottar olardyń janyna jara salmaı, ómіrge beıіmdelýge úıretedі.
Robot terapııasy kabınetіnde ekі robot – NAO jáne Mirai bar. NAO án aıtyp, bı bıleıdі, ertegіler aıtyp, janýarlardy sıpattaı alady. Al Mirai ártúrlі keıіpke enіp, mysaly dárіger, polıtseı bolyp, ómіrde bolatyn túrlі jaǵdaılarǵa beıіmdelýge úıretedі.
Ortalyqtar Shymkent, Pavlodar, Taldyqorǵan jáne Óskemen qalalarynda ashyldy. Onyń árqaısysynda jyl saıyn 125 balaǵa kómek kórsetіledі.
«Samruk-Kazyna Trust» jáne «Qazaqstan halqyna» qory jyl sońyna deıіn mundaı ortalyqtardy Aqtóbe, Jambyl, Qostanaı jáne Mańǵystaý oblystarynda ashýdy josparlap otyr.
