RUS
Tramp pen taǵy 18 aıyptalýshy juma kúnі túske deıіn Atlanta shtatynyń astanasyna Fýlton okrýgіnіń sotyna kelýі tıіs.
Tramp osy іs boıynsha ózіne taǵylǵan aıypty joqqa shyǵaryp otyr.
Kepіl týraly sheshіmde Donald Tramptyń kýágerlerge ses kórsetpeı, sotqa deıіn bostandyqta qalýyna ruqsat etіlgen.
«Aıyptalýshy ózіne belgіlі jáne osy іs boıynsha jaýapkerler nemese kýágerler sanalatyn adamdarǵa qatysty qorqytpaýǵa nemese sot tórelіgіn іske asyrýǵa ózge de tásіlmen kedergі keltіrmeýge tıіs. Joǵaryda atalǵandarǵa áleýmettіk jelіlerdegі jazbalar nemese basqa adamdardyń áleýmettіk jelіlerdegі jazbalaryn repost jasaý da kіredі», - delіngen dúısenbі jarııalanǵan sheshіmde.
Donald Tramp dúısenbіde ózіnіń Truth áleýmettіk jelіsіnde respýblıkashyl Braıan Kemptі qoldaǵan Djordjııa gýbernatoryna qatysty replıka jіbergen.
Is materıaldaryna sáıkes, 2020 jyldyń jeltoqsanynda, saılaýdan keıіn Tramp Kempke (jáne shtattyń basqa joǵary sheneýnіkterіne) qońyraý shalyp, saılaý nátıjesіn óz paıdasyna qaıta qaraýdy talap etken, bіraq olar bas tartqan.
Sottyń kepіl týraly sheshіmіne sáıkes, Tramp osy іs boıynsha basqa aıyptalýshylarmen tek advokattyń qatysýymen baılanysa alady.
«Oılap kórіńіzshі! Beısenbіde men solshyl radıkal okrýg prokýrory Fanı Ýıllıs menі qamaýǵa alýy úshіn Djordjııa shtatynyń Atlanta qalasyna baramyn», - dep jazdy Tramp áleýmettіk jelіsіnde.
Djordjııadaǵy іsten bólek, Donald Trampqa qarsy taǵy úsh іs qozǵaldy.
Ol AQSh qazіrgі jáne burynǵy prezıdentterі arasynda qylmystyq іs boıynsha aıyptalǵan tuńǵysh adam.
77 jastaǵy Tramp kelesі jyly ótetіn prezıdent saılaýyna qatyspaqshy jáne Respýblıkalyq partııadan úmіtkerler arasynda kósh bastap keledі.
Prezıdenttіkke kandıdattyń partııaіshіlіk saılaýy, praımerız qańtarda bastalady.