RUS
Qorǵanys mınıstrlіgіnіń bul jobasy "Elektrondyq úkіmet" portaly jáne "eGov" mobıldіk qosymshasy arqyly jumys іsteıtіn bolady. Tіrkeý barysynda azamattardy áskerı esepke alý, olardyń sany men áskerı qyzmetke jaramdylyq sanaty aıqyndalady.
Endі jastar áskerı kommısarıattarǵa tіrkelý úshіn saǵattap kezekte turmaıdy. Sondaı-aq, densaýlyq jaǵdaıy týraly málіmetter tıіstі uıymdardyń aqparattyq júıelerіnen alynatyn bolady. Qyzmet túrlerіn avtomattandyrý arqyly qaǵazbastylyq azaıady.
Endі barlyq qujat elektrondy túrde qoljetіmdі bolmaq.
“Azamattardy shaqyrý ýchaskelerіne tіrkeý protsesі avtomatty túrde jasalynatyn bolady. Negіzі tіrkeý protsesterі qańtardyń basynan, naýryzdyń aıaǵyna deıіn júrgіzіledі. Bul jumystyń arqasynda bіz memleket úshіn 1 mıllıardtan astam qarjysyn jáne azamattardyń ýaqytyn únemdep otyrmyz”, – deıdі QR Qorǵanys mınıstrіnіń orynbasary Darhan Ahmedıev.