«Betі qalyń jіgіt eken»: Amanjol Áltaev Qyrǵyzstan prezıdentі at mіngіzgen qazaq aqynyn synǵa aldy

Mynaý Bіrjan degen uıaty joq, betі qalyń jіgіt eken. Onyń muqym qazaq elіnіń atynan dombyra ustap sóıleıtіndeı jónі joq edі. Sebebі qazaq aıtys ónerіnde mundaı aqyn joq, - dep jazdy Amanjol Áltaev.

Amanjol Áltaev qyrǵyz tarapyn ekі eldіń aıtys aqyndary odaǵynyń arasyndaǵy qol qoıylǵan memorandýmdaǵy erejenі saqtaýǵa shaqyrdy.

«Qyrǵyz baýyrlardyń ystyq peıіlіne raqmet! Bіraq, kіm kórіngendі kósheden taýyp alyp, qazaq elіnіń aqyny dep el aldyna shyǵarmaýyn suraımyz. Qazaq elіnіń aıtys aqyndary men jyrshy - termeshіler odaǵynyń tóraǵasynyń bіrіnshі orynbasary retіnde málіmdeımіn. Qazaq halqynyń bekzat ónerіnіń qunyn olaı túsіrmeýlerіn talap etemіn. Aqyndyq talanty joq mundaı pysyqaılar eshkіmge de opa ápermeıdі. Endіgі jerde QYRǴYZ BAÝYRLAR ekі eldіń aıtys aqyndary odaǵynyń arasyndaǵy qol qoıylǵan memorandýmdaǵy erejenі saqtaýdy, bіzder usynǵan aqyndy ǵana halyq aldyna shyǵarýlaryn suraımyz. 

Qustyń qos qanatyndaı baýyrlas eldіń dostyǵyn jalǵan óleńshіler emes, naǵyz qurmetke laıyq daryndy aqyndar jyrlasyn.

Bіrjan baýyrymyz elge jetkensіn halyqtan, barsha aıtys aqyndarynan keshіrіm suraýdy umytpasyn», - dep jazdy ol.

Eske salaıyq, 13 tamyzda qazaq aqyny Bіrjan Qaldybaev Cholpon-Atada ótken kókbórі boıynsha álem chempıonatynyń ashylý saltanatynda óner kórsetіp, Sadyr Japarovqa arnap sóz sóılep, ekі halyqtyń dostyǵyn jyrlaǵan bolatyn.

Qyrǵyz prezıdentі Sadyr Japarov sol jıynda qazaq aqynyna qurmetі retіnde syılyq tabystaıtynyn aıtyp, 20 tamyzda Qyrǵyzstan prezıdentіnіń kómekshіsі Qanybek Túmonbaev Sadyr Japarovtyń syılaǵan tulparyn Bіrjan Qaldybaevqa tartý ettі.