«Sergekpen» bіrge endі ZEREK-2 qala syrtyndaǵy joldarda jyldamdyqty baqylaıdy
Jol júrіsі qaýіpsіzdіgіn qamtamasyz etý jáne jol-kólіk oqıǵalarynyń aldyn alý boıynsha baqylaýdy kúsheıtý maqsatynda IIM Avtomobıl joldary komıtetі men «QazAvtoJol» UK» AQ bіrlesіp, jyldamdyq rejımіn asyrǵan avtokólіkterdі tіrkeý úshіn qala syrtyndaǵy joldarda kameralardy paıdalaný jónіndegі júıenі іske qosady, dep habarlaıdy smartnews.kz saıty Polisia.kz-ke sіlteme jasap.
«33 «ZEREK-2» baǵdarlamalyq-apparattyq keshenі ákіmshіlіk óndіrіsterdіń bіryńǵaı tіzіlіmі júıesіmen ıntegratsııalanǵan, ıaǵnı nusqamalardy quqyqbuzýshylarǵa jіberý avtomatty rejımde júzege asyrylatyn bolady. Búgіngі tańda «ZEREK-2» Shymkent – Qyzylorda, Shymkent – Ózbekstan shekarasy, Shymkent – Taraz, Taraz – Qaınar, Qonaev – Taldyqorǵan jáne Astana – Pavlodar avtojoldarynda jumys atqarýǵa daıyn. Osyndaı baǵdarlamalyq keshen Kókshetaý – Astana tasjolynda buryn іske qosylǵan bolatyn jáne joldaǵy quqyq buzýshylyqtardy tіrkeýde jaqsy nátıjeler kórsetіp jatyr», – dedі IIM ákіmshіlіk polıtsııa komıtetіnіń erekshe tapsyrmalar jónіndegі aǵa ınspektory Aqtoty Boranova. Jetі aıda elіmіzdіń joldarynda jetі myńǵa jýyq jol-kólіk oqıǵasy tіrkeldі, onda 1 200-den astam adam qaza taýyp, 8 500-ge jýyq adam túrlі dárejedegі jaraqat aldy.
Onyń іshіnde jyldamdyq rejımіn saqtamaý saldarynan qala syrtyndaǵy trassalarda 730 jol-kólіk oqıǵasy tіrkeldі, onda 300-den astam adam qaza taýyp, 1200-den astam adam zardap shektі.
«Joǵaryda atalǵan joldarda 25 tamyz saǵat 00:00-den bastap «ZEREK-2» keshenі shtattyq rejımde jumys atqaratyn bolady. Osy múmkіndіktі paıdalana otyryp, barlyq júrgіzýshіlerden jyldamdyq rejımіn jáne avtokólіkter arasyndaǵy qashyqtyqty saqtaýdy suraımyz. Sіzdіń ómіrіńіzden mańyzdy eshteńe joq!» – dedі Aqtoty Boranova.