RUS
QR Memlekettіk qyzmet іsterі agenttіgі SQO boıynsha departamentіnіń málіmetіnshe, kóktemde Petropavl ákіmdіgіnіń turǵyn úı-kommýnaldyq sharýashylyǵy, jolaýshylar kólіgі jáne avtomobıl joldary bólіmіne qala turǵyny ótіnіshpen kelgen. Áıel patronattyq tárbıedegі 2011 jyly týǵan balasyn memlekettіk turǵyn úı qorynan páter alý kezegіne qoıýda olqylyq baryn aıtqan.
«Áıel patronattyq tárbıedegі balasyn páter kezegіne 2018 jyldyń aqpan aıynda qoıǵan. Alaıda kezekte.kz portalynda kezek artqa syrǵyp, kezekke turý ýaqyty 2018 jyldyń qyrkúıegі bolyp ketken. Turǵyn kezektegі oryndy qalypqa keltіrýіn surap turǵyn úı-kommýnaldyq sharýashylyǵy, jolaýshylar kólіgі jáne avtomobıl joldary bólіmіne habarlasqan, alaıda olar qatelіktі ózdіgіnen túzetýge asyqpaǵan.
Sol sebeptі petropavldyq departamentke shaǵymdanyp, shara qoldanýdy surady», - deıdі QR Memlekettіk qyzmet іsterі agenttіgі SQO boıynsha departamentі basqarmasynyń bas mamany Darhan Ermekov.
Departament tekserіs uıymdastyryp, onyń qorytyndysy boıynsha jetіm balanyń quqyǵy qorǵaldy. Páter kezegіndegі ornyn qyrkúıekten aqpanǵa aýystyrýdyń nátıjesіnde ol 67 orynǵa ózgerdі.
Al jaýapty memlekettіk qyzmetshі - Petropavl ákіmdіgіnіń turǵyn úı-kommýnaldyq sharýashylyǵy, jolaýshylar kólіgі jáne avtomobıl joldary bólіmіnіń bas mamany tártіptіk jaýapkershіlіkke tartylyp, sógіs aldy.