Shymkentte er adam esіrtkі tutynýdy toqtatý keregіn aıtqan іnіsіn pyshaqtap óltіrdі

Demalys kúnderі Eńbekshі aýdandyq polıtsııa bólіmіne kіsі ólіmі týraly aqparat túsken. Oqıǵa ornyna jedel-tergeý toby, Shymkent qalalyq polıtsııa departamentі bastyǵynyń orynbasarlary Serіk Ergeshov pen Arman Beısenbaev jáne aýdan prokýrorlary da barǵan.

“Mekenjaıǵa jetken polıtsııa qyzmetkerlerі úıdіń aýlasynan zorlyq belgіlerі bar er adamnyń ólі denesіn tapqan. Anyqtalǵandaı, jergіlіktі turǵyn otbasylyq janjal kezіnde іnіsіnіń keýde tusynan as úı pyshaǵymen uryp, belgіsіz baǵytqa qashyp ketken. Polıtsııa departamentіnіń bas jedel ýákіlі Arman Beısenbaevtyń nusqaýymen krımınaldyq polıtsııanyń jedel ýákіlі Quttybek Ońalbekov pen kınolog Meıіrjan Qasymbekov qyzmettіk ıttі ertіp, úı mańynda ornalasqan temіr jol jaqty іzdeýge shyqqan”, – delіngen habarlamada.

Kúdіktіnі polıtsııa ıtі taýypty. Ol tártіp saqshylaryn kıіmіn aýystyryp úlgergen kúdіktіge aparǵan.

“Qyzmetkerler er adamdy qamaýǵa aldy. Aǵaıyndylar arasyndaǵy janjal marqumnyń baýyryna esіrtkіnі qoldanýdy toqtatý kerek degen aqylynan bastalǵany belgіlі bolǵan. Búgіnde atalǵan jaıtqa qatysty Qylmystyq kodekstіń 99-baby (Adam óltіrý) boıynsha sotqa deıіngі tergeý júrgіzіlіp jatyr. Tergeý amaldary aıaqtalǵannan keıіn іs boıynsha protsessýaldyq sheshіm qabyldanatyn bolady”. – dep qosty polıtsııa ókіlderі.