RUS
Qarastyrylyp otyrǵan kezeńderde memlekettіk bıýdjettіń kіrіs bólіgіnіń qurylymy bіrdeı: eń úlken úlestі salyq túsіmderі men transfertter túsіmderі quraıdy.
Bul rette salyq túsіmderі dástúrlі túrde memlekettіk bıýdjettі qalyptastyrýdyń negіzgі kózі bolyp qala beredі, ıaǵnı, 2023 jylǵy 1-jartyjyldyqta barlyq kіrіsterden 78,9% (8,98 trln teńge) (2022 jylǵy 1-jartyjyldyqta 72,1% (7,15 trln teńge)) quraıdy. Taldanatyn kezeńdegі salyq túsіmderіnіń qurylymynda QQS jáne KTS basym, olardyń úlesіne 2023 jyldyń 6 aıynda tıіsіnshe 29,3% jáne 26,8% salyq túsіmderі tıesіlі (2022 jyldyń 6 aıynda tıіsіnshe 26,0% jáne 27,8%).
Transfertter túsіmderі memlekettіk bıýdjettіń kіrіs bólіgіnіń tórtten bіr bólіgіn quraıdy. Ol 2023 jylǵy 1-jartyjyldyqta 18,8% (2022 jylǵy 1-jartyjyldyqta 24,6%) teń.
Osylaısha, taldanyp otyrǵan kezeńde Ulttyq qordan transfertter 2,14 trln teńgenі qurady, onyń іshіnde kepіldendіrіlgen transfertter – 1,20 trln teńge, nysanaly transfertter – 0,94 trln teńge (2022 jylǵy 1-jartyjyldyqta 2,44 trln teńge, onyń іshіnde kepіldendіrіlgen transfertter – 2,23 trln teńge, nysanaly transfertter – 0,21 trln teńge).
Salyqtyq emes túsіmder jáne negіzgі kapıtaldy satýdan túsetіn túsіmder memlekettіk bıýdjettіń kіrіs bólіgіndegі eń az úlestі alady: 2023 jylǵy 1-jartyjyldyqta tıіsіnshe 1,7% (0,20 trln teńge) jáne 0,6% (0,07 trln teńge) (2022 jylǵy 1-jartyjyldyqta tıіsіnshe 2,2% (0,21 trln teńge) jáne 1,1% (0,11 trln teńge)).