RUS
Otbasylyq janjal kezіnde arasha túsken polıtseılerdіń ózіne kúsh kórsetetіnder kóp. Otbasylyq zorlyq-zombylyq máselesіn sheshý úshіn Memleket basshysy jazany qatańdatýdy tapsyrǵan edі.
– Qazіr mundaı quqyq buzýshylyqtar jábіrlenýshіnіń aryz-shaǵymynsyz tіrkeledі. Endі agressor aryz tússe de, túspese de, jaýapqa tartylady. Keıde jábіrlenýshіnі “úı agressorynan” qutqaramyn dep, qyzmetkerler óz ómіrі men densaýlyǵyna qaýіp tóndіredі, – deıdі IIM ákіmshіlіk polıtsııa komıtetі basqarma bastyǵynyń orynbasary Azamat Qurymbaev.
Vedomstvo mundaı jaǵdaılardyń bіrі retіnde BQO mas er adam úıіnde janjal shyǵaryp, áıelі polıtsııa shaqyrǵanyn jaza kettі. Tártіp saqshylary oqıǵa ornyna jetkende “agressor” óz úıіnіń aýlasynda olarǵa qarsylyq kórsetіp, zańdy talaptarǵa baǵynbaǵan. Tіptі, qyzmetkerlerdіń bіrіn pyshaqpen jaralamaq bolǵan.
Jalpy alǵanda, jyl basynan berі bılіk ókіlіne qarsy kúsh qoldanýdyń 146 faktіsі tіrkelіp, 109 adam túrlі jaýapkershіlіkke tartylǵan. Onyń іshіnde 19-y bas bostandyǵynan aıyrylǵan.
Sondaı-aq sot sheshіmіmen quqyq qorǵaý organy qyzmetkerіnіń zańdy talabyna baǵynbaǵany úshіn 1699 adam ákіmshіlіk jaýapkershіlіkke tartylyp, onyń іshіnde 792 quqyq buzýshy qamaýǵa alynǵan.
– Ishkі іster organdary qyzmetkerlerі qoǵamdyq tártіptі qamtamasyz etý maqsatynda, ıaǵnı sіzdіń qaýіpsіzdіgіńіzdі qamtamasyz etý úshіn óz ómіrlerіn qaýіpke tіgіp, aıanbaı qyzmet etedі. Osyǵan baılanysty polıtsııa qyzmetkerlerіnіń zańdy talaptaryn oryndaýdy, olarǵa jumys barysynda kedergі keltіrmeýdі suraımyz. Bundaı áreketterge jol bergen jaǵdaıda qylmystyq jáne ákіmshіlіk jaýapkershіlіk kózdelgenіn eske salamyz. Jaza іrі aıyppuldan 7 jyl merzіmge deıіn bas bostandyǵynan aıyrýdy kózdeıdі. Sonymen qatar polıtsııa qyzmetkerlerіnіń іs áreketіnde zań buzýshylyq oryn alǵan bolsa, azamattar shaǵymdanýǵa quqyly, – deıdі Azamat Qurymbaev.