Shymkentte úshem merzіmіnen buryn dúnıege keldі
Úshіnshі megapolıste úshem sábı dúnıege keldі. Bul týraly smartnews.kz saıty otyrar.kz aqparat agenttіgіne sіlteme jasaı otyra habarlaıdy.
Shymkent qalalyq perınataldyq ortalyǵynda úshem ómіrge kelgen. Olardyń salmaqtary ekі kelіden joǵary. 37 jastaǵy úshemnіń anasy Araılym Sarsenbekovaǵa dárіgerler 8-tamyz kúnі kesіr tіlіgіn jasap, bosandyryp alǵan.
- Qýanyshtysy sol, sábılerdіń densaýlyǵynda aqaý joq deıdі dárіgerler. Anasymen bіrge úshem nárestelerdі kútý bólіmshesіnde ekі aptaǵa jýyq medıtsınalyq baqylaýda bolǵan, - delіngen Otyrar basylymynda.
Qazіrgі ýaqytta bosanǵan áıel men 3 sábıdіń jaǵdaıy qalypty. Sarsenbekovter áýletіnde dúnıege kelgen úsh bóbekke týystary Amına, Hadısha, Muhammmed dep esіm qoıǵan. Jas ana men úshemder Perınataldyq ortalyqtan búgіn úılerіne shyǵaryldy.