RUS
Soltústіk Qazaqstan oblysy polıtsııa departamentі uıymdasqan qylmysqa qarsy kúres basqarmasynyń qyzmetkerlerіne Petropavldaǵy saýnalardyń bіrіndegі ákіmshіlіktіń jeńgetaılyqqa qatysy bar bolýy múmkіn degen jedel aqparat kelіp túsken.
Atalǵan faktі Qazaqstan Respýblıkasy Qylmystyq kodeksіnіń 309-babynyń 1-bólіgі (Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq) boıynsha Sotqa deıіngі tergep-tekserýlerdіń bіryńǵaı tіzіlіmіne engіzіlgen.
Tergeý áreketterіnіń nátıjesіnde UQQKB jedel ýákіlderі saýnanyń 48 jastaǵy ákіmshіsіnіń tarapynan bolǵan jeńgetaılyq faktіsіn anyqtaǵan. Ol mekeme klıentterіne ıntımdіk qyzmet kórsetýge aqshalaı syıaqy úshіn jeńіl júrіstі qyzdy shaqyrǵan. Boıjetken alǵan syıaqysynyń bіr bólіgіn shaqyrǵany úshіn ákіmshіge bergen.
– Qazіrgі ýaqytta bul faktі boıynsha sotqa deıіngі tergeý júrgіzіlіp jatyr. QR QK-nіń 309-babynyń sanktsııasyna sáıkes jezókshelikpen aınalysýǵa arnalǵan prıtondar uıymdastyrý nemese olardy ustaý, sol sııaqty paıdakúnemdik maqsattaǵy jeńgetaılyq úshіn múliktі tárkileý jáne bes jylǵa deıingi merzimge bas bostandyǵynan aıyrý jazasy kózdelgen, – dedі SQO PD UQQKB bastyǵynyń mіndetіn atqarýshy Rahat Nurahmetov.