RUS
«Internet jelіsіnde alaıaqtar іrі kompanııa býhgalterlerіnіń kompıýterіne kіrý úshіn hakerlіk baǵdarlamalardy jıі qoldanady. Mysaly, Qaraǵandy qalasynda іrі uıymnyń bank shotynan 60 mln teńge urlaýǵa qatysy bar oblystyń 20 jastaǵy turǵyny ustaldy. Ol urlyq jasaý úshіn qaýіptі baǵdarlama qoldanǵan. Onyń qatysýshylaryn, sondaı-aq olar jasaǵan basqa da qylmystardy anyqtaý sharalary qabyldandy», - dep oqıǵanyń mán-jaıyna toqtaldy Rústem Dúısetaev.
Sondaı-aq alaıaqtyq jolmen alynǵan aqshany qolma-qol qarjyǵa aıyrbastap, qylmyskerlerge kómektesken Reseı azamaty ustalǵan.
«Aqmola oblysynyń polıtsııa departamentіnіń qyzmetkerlerі Reseı Federatsııasynyń azamatyn ustady. Ol bank qyzmetkerlerіnіń atynan alaıaqtyq jasaǵan kezde azamattardan urlanǵan aqshany qolma-qol aqshaǵa aınaldyrýǵa kómektesken. Atalǵan kúdіktіnіń 25 qylmys jasaǵany áshkerelendі, jalpy shyǵyn 100 mıllıon teńgeden asady», - dedі Rústem Dúısetaev.
Sondaı-aq, jyl basynan berі elіmіzde 12 myńnan astam ınternet-alaıaqtyq qylmysy tіrkelgen.
«Búgіnde ınternetsіz ómіrdі elestetý múmkіn emes. Onlaın qyzmetter ómіrdіń barlyq salalarynda keńіnen qoldanysqa endі. Ókіnіshke oraı, muny qylmyskerler de belsendі qoldanady, ásіrese ınternet-alaıaqtyǵyn jasaýǵa paıdalanady. Jyl basynan berі elіmіzde osyndaı 12 myńnan astam qylmys tіrkeldі. Olardy ashýdyń kúrdelіlіgі transshekaralyq sıpatqa baılanysty. Halyqty aldap, aqshasyn qaǵyp júrgen alaıaqtar kóbіne eldіń basqa aımaǵynda nemese shetelde bolady. Osyǵan baılanysty, atalǵan qylmys túrlerіnіń aldyn alý jáne ashý úshіn bıyl 16-18 tamyz aralyǵynda respýblıka aýmaǵynda «Hi-tech» jedel-aldyn alý іs-sharasy ótkіzіldі. Onyń úshіnshі kúnіnde 200 qylmys tіrkeldі. Sondaı-aq buryn jasalǵan 339 alaıaqtyq anyqtaldy», - dedі Rústem Dúısetaev.
Spıker málіmdegendeı, alaıaqtyq qylmystar kóbіne onlaın saýda kezіnde jasalady.
«Ádette alaıaqtar qurbandaryna arzan baǵa usynady nemese taýardy tez jetkіzemіz dep aldaıdy. Satyp alýshylardan іshіnara nemese tolyq aldyn-ala tólemdі ádette úshіnshі tarap shottaryna salýdy suraıdy. Máselen, Almaty qalasynda Instagram áleýmettіk jelіsіnde Iphone markaly telefondardy satý týraly habarlandyrýlar ornalastyrǵan 2 alaıaq ustaldy. Atalǵan kúdіktіler alaıaqtyqtyń 30 faktіsіn jasaý barysynda áshkerelendі, jalpy shyǵyn 15 mıllıon teńgeden asty», - dep málіm ettі Rústem Dúısetaev.